[i56o]                                               DE LA VILLE DE PARIS.                                                      71
CIX. — Lettres du Roy pour les fermes des x solz et iiii solz u deniers pour muy de vin
APPORTÉES PAR CLAUDE GUERIN.
4 octobre i56o. (Fol. 73 v°.)
De par le Roy. «Très chers et bien amez, Claude Guerin, mar­chant et bourgeois de nostre ville de Paris, nous a faict presenter requeste en nostre Conseil privé, contenant que s'il nous plaisoit luy faire bail pour six années des fermes de quinze solz pour queue, et dix solz pour muy de vin entrant et yssant pareille­ment hors icelle Ville, et du pastel, guesde et garance que tient de present Christoffle Aubery, pour enjoyr et commencer es premiers jours de Mars, quinze May et jour sainct Remy ensuyvant, le tout prochain ve­nant, que expirent les baulx desd, fermes, en payant par luy le mesme pris que faict led. Aubery, et ac-quictant en oultre les charges acoustumées, et sans y pretendre par luy ne demander aucune diminution ne rabaiz. Et a offert aussi bailler caution suffisante, desquelles offres, avant que les accepter, vous avons
bien voullu advertir par la presente, vous mandant et enjoignant par icelle de faire sur iceulx inconti­nant publier et proclamer lesd, fermes estre à bailler à telz jours queadviserez, aux charges et conditions susdictes, voullans que ce qui en sera par vous faict vous appellez nostre amé et feal conseiller le sei­gneur de Aguisy, tresorier de France à la charge d'Oultre-Seyne et Yonne estably aud. Paris ; auquel à ceste fin mandons presentement y assister, vous advisant que si faictes autrement, que nous declai-rons dès à present tout ce que par vous y sera faict nul et de nul effect et valleur. Si n'y faictes faulte, car tel est nostre voulloir et plaisir.
«Donné à Sainct Germain en Laye, le quatriesme jour d'Octobre mil vc lx. n
Ainsi signé : FRANÇOIS. Et au dessoubz : Burgensis.
CX. — Lettres au Roy.
8 octobre i56o. (Fol. 74 r°.)
Le huitiesme jour d'Octobre mil cinq cens soixante, est comparu Claude Guerin, lequel a declairé qu'il avoit presenté requeste au Roy, ad ce qui luy pleust luy bailler les fermes des dix solz, nu solz n deniers pour muy de vin entrant et yssant hors Paris, et du pastel, guesde et garance, à la diminution et pris de cinq mil cinq cens livres moings que la tient Chris­tofle Aubery.
Ainsi signé : Guerin.
Surquoy avons ordonné, après ce que led. Gue­rin a signé sa declaration cy dessus contenue, de la­quelle lecture luy a esté faicte, qu'il aura coppie par les mains du greffe desd, lettres du Roy, et que lesd, fermes seront cryées sur l'enchère par luy pre­sentement mise, qui est le pris auquel les tenoit et tient à present led. Aubery, et aux charges sus­dictes.
Sire. "Nous avons receu ce jour d'uy la lettre qu'il vous
a pleu nous escripre du jour d'uy, suyvant laquelle nous ferons proclamer et publier incontinant les fermes des quinze solz pour queue et dix solz pour muy de vin, et quatre solz deux deniers tournois sur muy aussi de vin, entrant et yssant en ceste ville de Paris et faulxbourgs, et du pastel, guesde et ga­rance estre à bailler aux charges et conditions por­tées par vosd. lettres'1'; à quoy en cela et en toutes choses concernans vostre service nous ne ferons faulte, y gardant les solempnitez contenues et por­tées par vosd. lettres, appellé à ce mons' le tre­sorier Greslier. Sire, nous prirons Nostre Createur vous donner en parfaicte santé très longue et très heureuse vie.»
Ce faict, a esté expedié plusieurs ataches pour bailler lesd, fermes au plus offrant et dernier enche­risseur au jeudi xvii0jour de Octobre, sur la somme de soixante dix huit mil quatre cens soixante et quinze livres tournois par an, à la charge des previllegiez
(" C'est en vertu de lettres du 17 septembre i56o que François II autorisa la Prévôté des Marchands, par suite de l'expiration du bail de Christophe Aubry, à mettre en adjudication pour six années les fermes du vin et du pastel, ordonnant l'enregistrement du nou­veau bail par la Cour des Aides. (Arc/lires nationales, KK 1012, fol. 217 r°.)